يــــــاهاتفي

من طرف **شموخ العز** السبت مايو 22, 2010 12:26 pm

ياهاتفي لاضاق صدر المظاريف
صدرك وسيع..ولاحسبت المسافه!
وانت المكلف بالمهمات تكليف
اكلف معي.. لو كان مامن كلافه
رتّب حروف.. مقيف القاف تقييييف
قافه على المعنى مقيييف قيافه!!
الحرف..، وظفته لمعناي توظيف
ورهنت له نهر القصيد وضفافه
يسبق رفيف الشعر! طرق العواصيف
واسبق..لمزن.!الحزن.!وزن..وحرافه.!
اصدِق.. ويصدِق لي من الحرف توصيف!
صوتي صدى واىقع يفوق الخرافه
السالفه.. ماهي هروج..وسواليف
ولاهي..طواريق ارتجال.. وسخااافه!!
ولاهي..حِكاية جَرح.. فرقى مواليف
ولاهي.. فكاهية هِياط وطٌرافه!
ولاهي ..عظامية.. تجمهر.. وتزييف
قوّه..على هامش..نقاط الضعافه..!
ولاهي..صدامية..تطرّف.. وتحريف
مبدأ..قليل الخاتمه والمخااافه
ولاهي..سياسية..تعنصر..وتصنيف
مالي..ومال..معاوية..والخلافه!
للشعر قااااف.. وللمراااجل مواااقيف
والرجل..يثبت موقفه! قبل قاااافه .!
شرفتني ياهاجس الشعر تشريف
اقلط.. ولك بالصدر عرش ومضافه
أرحب تراااحيب الوهادين بالضيف!
بالطيب..والشيمه..وحسن الضياافه
وان حل طاري.. محتمين الموواقيف
سلام..يردف له..سلام"ن" خِلافه!
سلام ..ياحر"ن"رقا شمّخ النيف
والحُر طير وميزته بإختلافه!
وإبن خزيّم..مايبي زووود تعريف
معرووف وأسمه بالمراااجل عِرَااافه!
صفّوة شيوخ مفرّقين المواليف
اللي لهم بالعز بأس ..وجِزاافه!
سطّر سطّوُر المجَد بالرمح والسيف
ماهي سطوًر اهل الوَرق والصّحافه
مسيرته ..منهج وتاريخه وارشيف
سيره! بها المجد التليد استضااافه!
على ظهور مضمرات السراجيف
لاهو رديف..! ولارديفه خلافه
للرأي حادي والمكارم معاسيف
لدرهمت درهم وتاقف مقافه
ذود الشيوخ اللي من الزود ماااحيف ؟
ساااااقه على وضح النقا يوم حاااااااااافه!
للطيب من طيبه تطيب المناكيف
ريف اللهيف اللي من الحيف ضافه
يوم ان راع الطيب طيبه عشاء ضيف
يقري الطليب ويامنه من مخافه!
ياخليف ياذيب الممواجيب ياخلبف
يكفيك تمجيد الزمن واعترافه
وانته حفيد مطوّعين الملاقيف
ضديد..هم ..عاف الشكل والقافه
من رأس مشرافك تروس المشاريف
نوك رقا فرق الزمن والمسافه!!
وانا على نوي ونوي على كيف
جوي.. وجووي حزن ماهو ثقافه!!
من ليلة البارح..! وانا احذف،واضيف..!
وطالت وانا مابين حذف، وإضافه؟
ولاصار وصفك فوق كل التواصيف
اقبل عذر حرفي ووزنه وقافه!!
للناي في جوفي من الحزن تجويف
وتعزفني رياح الخريف وجفافه..!
أقراء نحيب وتلتفت لي غطاريف!
واكتب وفاة الحلم لية زفافه!
عليّ من جرب الليالي تواسيف
وعليّ من صوعات بقعا مخافه
الوذ بوجيه الدروب المصاليف
واجيب من فوق، الصلافه.. صلافه
واسري على ومض البروق المكاشيف
واصبح.. واضيع بارقي وانكشافه
واسهر ..واتوب ،من السهر..ذنب! واعيف!
ذنبي!..واعزز توبتي ..باقترافه!!
مرات.. اقول اقدار حظ وحواذيف
ومراات.. اقول اني سبب كل آفه!!
ومرااات.. تمسك صح.. واقول تخفيف
ذنوب.. ومن الله رحمه ورافه
ومراااات.. اعرفها على كل تعريف
وتمسك غلط..! واقلب على عذر تافه
وارجع.. واخربها.. من الكم..للكيف
والهم، الزّه بين سينه.،. وكافه
وافلها فلّت قليل التحاسيف
واسلك طريق المنحرف وانحرافه!
واسج مع فكري ودربي تصاريف
مابين صدفات الزمن وإلـتفافه.!

منقــــــــــــــــــــــول

من طرف **ملاك الروح** الأحد مايو 23, 2010 7:10 pm

يــــــاهاتفي

يــــــاهاتفي

رد: يــــــاهاتفي